Chin Christian Council in Australia | Community
Chin Christian Council in Australia
Phone: +61 412 835 880
Reviews
to load big map
24.01.2022 CCCA Chungtel Khrihfabu hna, Atuzaan ah kan cozah lutlai, Prime Minister nih thawng thanhmi ah biakinn pumhnak kongah thil an hun remhmi a um. CCCA ram chungin biakinn a ngeimi hna tam deuh cu a hlan an rak thanhmi minung 100 tam a si lomi cu cu minung pakhat ah 1.5 meters (pe 5) hlat cio in thut i pumh khawhnak nawl onh a si. A sinain tein atuzan an hun thanhmi ah Thaizing (Monday, 23 March 2020) chun 12 pm hnu chun ah Biakinn vialte on a ngah lo i khar dih ding a si cang la...i. 100 nak tlawm deuh pumhnak nawl kha onh a si ti lo. Cucaah mahte biakinn a ngeimi hna nih kan PM a chimmi zulh in Khrihfabu nan rak i tawlrel cionak lai kan in nawlpat hna. Bawipa nih kan ram a damter ko lai. CCCA dihlak thlacamnak le Pthian sin bawmh halnak in caantha rak hmang cio hna u sih. CCCA AUSTRALIA
23.01.2022 THLACAM SAWMNAK
21.01.2022 CCCA Chung In Ngaichiatnak Kan Tong =============================== Nitlak Meblurne khua sa mi Pu Tin Hre ( Ngun Ring Pa) nih August 11 2020 zan lei suimilam 1:5 PM ah Royal Melbourne sizung ah a kan liamtak tiah . A tu i, a kan liamtak mi hi CCCA chungtel a si mi CBC Church School kan riantuan ti hawi a si mi Ni Cin Tling a pa. ... A riantuannak hi JBS sathahnak ah a si . A riantuannak ah ruah lo piin a tlu i a thluak ah thi a lut, Royal Melbourne Sizung ah an kal pi zarh hnih hnu ah a tu bantuk in a kan liam tak hi a si. Sibawi te nih a nunnak chanchuah ding an i zuam lennak dam kho ti lo in mual a kan liamtak tikah ngeih a chia hringhran. A tu lio Melbourne cu Covid-19 zawtnak ruang ah Stage 4 lockdown cu kan si inn len kai khawh zong a si lo., tantak mi chungkhar hna thla a tuarzia an thiam khawhnak ding caah thlacam in bawm hna usih. CCCA CE Chungtuan Sang Lian Thawng
20.01.2022 Nangmah Ruang i kan thih ahcun mu.... Na zawt hlan na ngai tuk te lai. Na dam lio na ngai tuk te lai. Na chir hnu ahcun a tlai tuk te lai. ... Caan nih an liam tak hnu ahcun mu.... na mitthli he ngaihthiamnak bia lawng na chim te lai nain a tlai tuk te lai. 1. Nangmah ruangah inn chung i daite aa erh komi le zawtnak ttih ah thindomh in a um komi na Nulepa or na fanu le fapa/ na nupi le pasal/ na unau dang nih zawtnak an ngah ahcun a poi tuk lai. 2. Keimah tiin cozah le Khrihfabu cawnpiaknak le chimmi zeirel loin mah duh paoh na vak i leng na chuah ahcun COVID-19 nih keimah na tinak le pasal na tinak cu an thei lai lo. COVID-19 nih An ngamh tuk - zankhat ah na nunnak an lak lai na luatnak lam cu vak lo tein inn chungah um ko law a ttha bik. 3. Chimh ngai loin a vak tukmi le leng a chuak tukmi minung cu kan inn cio nan kan pal lo kha a ttha bik. Kan inn cio leng lo dingin rak kham cio hna usih law a ttha bik. COViD-19 nih zangfaknak le zawnruahnak a ngei bak lo hih. 4. Leng ka chuak peng/ ka vak peng nain ka dam ko na ti lio bak kha na caah donghnak caan a si kho. Na vah peng i leng na chuah peng ko ahcun Na donghnak cu thihnak a si kho. 5. Thih ka ttih lo- duh le thi ko ning na ti lai nain Thihnak tlang na dir taktak Nii ahcun na hram len lai nain a tlai tuk te lai. Na chir len lai nin caan nih an liam tak te lai. Ngamh tuk duh hlah mu! 6. Mah bantuk caan lio i Khrihfabu nih pumh caan sermi te ah Na chungkhar he pumhnak le thlacamnak tuah loin mah duh poh in caan na hman ahcun Na fanu/fapa, na Nupi/Pasal le na Nulepa ca ahcun sahrang number 666 bak na si ko. Zangfak tuk na si kha i philh lai ci mu. 7. Nangmah ruang i na chungkhar vialte COVID-19 in thih dih le Pathian ttihnak nun na ngeih lo ruang i an Thlarau nunnak zungzal Khrih chung nunnak sungh dih ding cu a poi tuk lai - A poi tuk lai. ISAIAH 65:13 Cucaah keimah a ka bia i ka nawl a zulmi cu ei awk le din awk tampi an ngei lai nain nannih cu nan rawl a am lai i nan ti a hal lai. Annih cu an lung aa lawm lai, sihmanhsehlaw nannih cu ningzahnak nan hmu lai.
19.01.2022 COVID 19 KONG HE BIAHALNAK LE LEHNAK Ref:https://www.health.gov.au//coronavirus-covid-19-resources-
18.01.2022 Pathian dawtmi fapa, Pu Tin Hre nih mual a kan liam tak. Kan dawt tuk mi le Pathian dawt tuk mi fapa, Pu Tin Hre (Ngun Ring pa), cu stroke zawtnak in Royal Melbourne Hospital ah zarh 2 leng a um hnu ah nihin chun 11 Aug 2020, nazi 1.05pm ah mual a kan liamtak. A thaisung Pi Ni Iang le a fanule 4 le fa pa 1 a tantak hna. Melbourne khuapi cu Stage 4 lockdown le zaan carfew lio a si bantukin Zoom tu in thutpinak ngeih a si lai. Khrihfa kan si bantukin kan cozah nawl kan ngaih ...langhternak le chungkhar dawtnak he ngaih a chiami innchungkhar inn ah bulhnak pek ruah ah siseh, va thutpi dingin siseh kal lo ding in kan in nawl hna. Bulhnak pekning cu a hnu ah thawng kan in thanh than te hna lai. A chungkhat sahlawh rualchan vialte le kan Khrihfabu member dihlak caah Pathian sinah thla kan campiak cio hram ko u. Kan ngaihchiatnak a kan hrawmtu zumtu nan dihlak cungah Pathian thluachuah um ko seh. Zoom in Thutpinak A caan: 7:00 PM Canberra, Melbourne, Sydney Join Zoom Meeting https://us02web.zoom.us/j/83821670714 Meeting ID: 838 2167 0714 One tap mobile (Phone in zoom luhnak) Dial by your location +61 3 7018 2005 (Australia) +1 312 626 6799 US (Chicago) +1 346 248 7799 US (Houston) +1 646 558 8656 US (New York) +1 669 900 9128 US (San Jose) +1 253 215 8782 US (Tacoma) +1 301 715 8592 US (Germantown) Meeting ID: 838 2167 0714 Find your local number: https://us02web.zoom.us/u/kbyPIN2HGy Pehtlaihnak: Rev Arohn Kuung: 0419 151 332 Pu Rung Lian (Church Chairman): 0410028169 Chin Baptist Church
18.01.2022 Khrih ah Chin Miphun hna, Atu hrawng in Tuluk ram in a chuakmi zawtnak ruangah Asian mi paohpaoh cu huatnak le kan cungah thinlinhnak in a khat mi kan miphun dang hawi an um len hna. Chin miphun hna zong USA hrimhrim ah namte sawhnak, meithal kahnak tiang an ton ve tawn. Cucaah kan um kalnak kip ah i ralring le fimkhur tein um khawh i zuam hna u sih. Zapi sin kan tlon len tikah mitkem deuh i um, thangpiin holh le mi nih an huat ci thil tuah hrial hna u sih.... Kan pawngkam le kiangkap minung kha ngiat thlai i zuam hna u sihlaw, hrial khawh awk a tlakmi siknak, tukvelhnak le kan cungah a tlunding ral kha cu hrial khawh i zuam hna u sih. Hrial awk tha loin kan cungah miphun kan i dan ruangah nehnak, tukvelhnak a um sual ahcun a naihniam bik palek sin ah or security pakhatkhat sin ah bawmh hal i zuam hna u sih. Cun racism fak piin a tong i kan um sual i complaint tuah a duhmi hna atang lei contact ning in tuah khawh a si. https://www.humanrightscommission.vic.gov.au//making-a-com
15.01.2022 Biaknak Caah Kan Cozah (Australia) Nih Phung Sermi Update: ===================================================== - Cungkhar dah ti lo minung 2 cung nan i tong lai lo. - Wedding ah minung 5 lawng ngah. - Ruakthlahnak ah minung 10 lawng ngah, timi phung a chuah hnu ah 3 April ah kan PM Morrison le cohzah nih Biaknak caah phung an ser tharmi a tanglei te ah an langhter mi cu, mirang in;... "Any church wishing to conduct religious services, including Easter services, must use the minimum number of participants required to deliver and live stream the service, which may include a priest, attendants, organist, videographer and sound recordist." https://www.pm.gov.au/me/update-coronavirus-measures-030420
12.01.2022 19 March 2020 General Secretary (GS) Sinin Biacah Dear Dawtmi CCCA Chungtel vialte hna,... Pathian huhphenhnak cu nan cungah um ko seh. Coronavirus zawtnak in vawleicungah minung 8000 leng an thi cang ti kan theih. Kan umnak ram Australia zong ahhin a karh thluahmah ve cang. Thinphaannak nihhin kan nunnak hi a kan deen thluahmah ve cang. Khrihfabu pumhnak zong tuah khawh a si tilo. Thlacam bu tein Innka ikharkhumh zau in innchung teah kan um a hau ko rih rua lai. Sihmanhsehlaw zumtu kan si caah hibantuk in ttihphaannak kan ton tikah hin siter ding ka duhmi nunning cu: Minung kan si caah le Bawi Khrih a zumtu kan si caah Ttihphannak ngei cio ko u Ttihphaannak nih Ralrinnak chuahpi ko seh Ralrinnak nih Timhtuahnak chuahpi ko seh Timhtuahnak nih Ruahchannak chuahpi ko seh Ruahchannak nih zumhnak fehter sehlaw Zumhnak nih Tthawnnak le Teinak kan pe ko seh. PATHIAN BOCHANNAK HE LUNGFIM LE NINGCANG TEIN NUN IZUAM KO HNA USIH. Kan member chungah coronavirus in a zawmi an umnak hngalo thlacam cio hna usihlaw mizaw kan um sualpang ahcun thawngtthanh iphilh hlah usih tiah kaan nawl hna. Chungkhar ah a hartaamtuk mi hawikom hna zong bawmh khawh izuam hna usih. Bawi Khrih ah nan u nan pa nan pu, Dennis Shu Maung CCCA GS
12.01.2022 Australia Ngamnak nih COVID 19 Singning le Kiktlaih Sining le Tlangrai (Flu) sining an i dannak le an i khahnak pawl an langhternak a si.
10.01.2022 Easter biacah tawi (CCCA), Dr. Dennis Shu Maung
08.01.2022 'A RAK KAN BAWMH, A KAN BAWMH THAN KO LAI" [Sermon: Pastor Ca Lian Thang, CHCIC] Covid-19 cu ttih a rak nung tak ko. Ram tampi nih an ramri an khar hna i an ramchung minung hna luhchuah tlawnlennak vialte tiang an hren an khap hna. Australia Cozah zong nih minung 100 cung pumhnak vialte cu nizan in an kan khap dih ve cang i ramleng zong chuak ti hlah uh an kan ti....Continue reading
08.01.2022 COVID-19 hi ngamh tuk ding a si lo ee
06.01.2022 [UPDATE]-- Minung 100 Inn khat pumhnak Khrihfabu Hruaitu upa hna, Cozah lei in siseh, BUV lei zong in siseh update thawng an kan thanh ning bantuk in update kan rak in tuah than hna.... Kan Prime Minister nih thawng a kan thanh bantuk in a tanglei hi nan rak tuah thannak lai kan in nawl hna. 1. Inn khat ah minung 100 pumhnak timi a sullam cu minung pakhat le pakhat 1.5 meters [pe 5] i hlat in thut dir a si lai. Minung pakhat umnak dingah 4 square meter a herh lai. Inn khan a kaumi 100square meter a um ahcun minung 25 i pumh khawh a si tinak a si. [Prime MInister Morrison said "What we are now moving to is an arrangement for gatherings of less than 100, is that they would be four square metres provided per person in an enclosed space, in a room. So that's 2m by 2m. So for example, if you've got a room, if you've got a premises, if you've got a meeting room or something like that, that's 100 square metres, then you can have 25 people in that room."] 2. Cun inn leng ahcun minung 500 hmun khat ah pumh ti a si nain meter 1.5 i hlat in um cio ding a si thiam thiam. Cucaah homecell in siseh, biakinn ah siseh, small group thlacamnak ah siseh kan cozah nih zawntak karh lonak ding ah an rak kan tining in zulh khawh cio i zuam hna u sih. CCCA Australia
06.01.2022 Chin Nu Dirhmun ======================= Pa nih nupi a thit tikah hrial ding thil phun thum a rak um. Mah cucu nulei nih phun khatkhat in an rak chambau ahcun, va ngeih khi a rak har ngai. Cu hrial ding phun thum hna cu: Hnam ngei, Mi kutzo mifir le Biaduh le hmursau hna hi an si. Hi hna phun thum lakah phun khatkhat a ngeimi ngaknu cu nupi caah an rak thi duh hna lo. Zeica ah dah ti ahcun a cu nu he an hrinmi fale cu cikor in a kal i ci a thlah tiah an rak zumh i, chan t...ampi tiang a nu cikor zulh in a kal lai caah mi nih an kan zohhnomh lai, ti kha an rak phan caah a si. Chin nu hna an ngaknut lio caan khi anmah caah a sunglawi bik caan a si i, zalonnak an hmuh bik caan a rak si. Chin nunphung ningin tlangval pawl nih zan ah an rak lenkai hna i an duhduh in biasawngtlorh le bianuam a phunphun i ruah khawh caan a rak si. Hringsortu nule pale zong nih cubantuk tlangval nih an inn ah rak lenkai le an fanu rak helh kha, Lai nunphung http://www.cbnetwork.com.au/chin-nu-dirhmun/
05.01.2022 A DANG TEIN CHIAH [Isolation Guidance] Covid 19 A Karh Lonak Dingah a dangtein chiah mi caah theih a herh mi tete. https://www.health.gov.au//coronavirus-covid-19-resources-
05.01.2022 AUSTRALIA COVID 19 UPDATE Australia cozah nih zahan ah thawngthanhnak a tuah i tuzan 25 March 2020 (zaantim 12) ah hman colh dingmi nawl an chuah. Cu hna chungin Chin Khrihfabu le chungkhar hna caah thil thar tete a um. Cucaah Khrihfabu kip nih nawl an chuahmi hi nan rak zulh nakhnga caah a tanglei bantuk in a tawinak in kan hun langhter. 1. A hlan i minung 100 nak tlawm (pe 5 =1.5 meter) i hlat i pumh khawh a simi kha hrawh a si i pumhnak nawl a um ti lo caah Biakinn hrimh...rim khar a si cang lai. 2. Thit umnak puai tuah a duhmi an um ahcun tuah khawh a si lai nain aa tel dingmi cu [1. Pastor, 2. Nupi thittu, 3. Monu, 4. Kawi, 5. Maw] minung panga leng um a ngah lai lo. Minung pakhat ah pe 5 =1.5 meters i hlat in um a si lai. 3. Ruak vuinak nawl cu an pek rih nain pastor telh chih in chungkhar hna he dihlak minung 10 leng tel a ngah lai lo. Minung pakhat ah pe 5 =1.5 meters i hlat in um a si lai. 4. Inn ah Birthday tuah, BBQ tuah, Thlacamnak tuah, hrawm i hrawmnak tuah, a ngah lai lo. Cucaah nan i timhmi chungkhar thlacamnak vialte, birthday thlacamnak, chungkhar 2 or 3 i lenkai i biasawng tlorh te pawl kha a ngah lai lo. Nan inn ah minung pakhat hnih te lenkai chuah luh cu a ngah ko lai i a tlawm bik in tlawmter nan i zuam lai. Nan inn hmai ah car park tam deuh a um sual, or nan inn ah minung tam aw thawngpang a um sual ahcun innpa nih report khawh nan si i liamkuan ter khawh nan si. 5. Khrihfabu nih a herhmi meeting, i tonnak, thlacamnak vialte cu tuah a ngah ti lo caah messenger or [online video call] in meeting tuah khawh i zuam cio hna u sih. Messenger in mui lawng in minung 50 tiang hmunkhat ah i zoh khawh i meeting tuah khawh si ko caah tonpumhnak, meeting le a dangdang vialte nan ngehimi zong nan cancel than a herh lai. 6. A herh taktakmi lawng shopping ah nan kal lai. Rian le inn karlak le a herh taktakmi lawng inn leng ah chuah khawh nan i zuam lai. Nan fa le he lenvah le lengchuah khaw hrial khawh kan i zuam hna lai. 7. Ramdang in a rak phan kami le khual tlawnnak in a rak kirmi hna cu ni 14 an tlin hlan hrimhrim a ho hmanh nih nan tong hna lai lo. Kut tlaih, an tawnghmi innka, hrai, cabuai thil vialte hrimhrim nan tawng hna lai lo. Cun anmah zong tha tein nan chimh hna lai. Ni 14 hnu ah nawlngeitu nih an thiang ko an ti hnu lawngah pehtlaih khawh an si lai. 8. Khual tlawn aa timmi paohpaoh nan cancel cia dih ah a tha a ruang cu state kip nih an ramri an ven dih cang caah chuah luh khawh a har ngaingai cang. Nawlpatnak: Chin miphun vialte hna, Khrihfabu kan si hna caah atubantuk caan tha ahhin kan zumhnak le Kkhrihfa kan sinak kan langhter caan a si. Cucaah zawtnak a karh lonak hnga caah pastorte, hruaitu upa hna le tuanvo ngeitu hna nih cozah nih tuah ding an kan timi hi kan rak i zuamnak lai kan in nawl ko hna. Bawipa nih himtein in kil veng ko hna seh. CCCA Australia
03.01.2022 Australia Chin Khrihfabu hna, Coronavirus ruangah lungre thei vansang au kan um lio cio caan asi. Hi zawtnak hi a karh chin nak hnga lo kan dihlak in tuanvo kan ngei. Nihin [March 18, 2020] ah kan Prime Minister, the Hon. Scott Morrison, MP, nih thawng a kan thanhmi chung chungin Khrihfabu kan i pumhnak vialte a hnor suan mi an um. Sihmanhsehlaw, Pathian he kan i pehtlaihnak le pumpak kan zumhnak a zor nakhnga lo mah le Khrihfabu cio nih a tanglei bantuk in biatak tein an n...Continue reading
