Living Water | Personal blog
Living Water
Phone: +61 403 687 619
Reviews
to load big map
25.01.2022 Pathian nih an ser lioah man niam tuk in, le a chiakha tukin an ser hrim hrim lo. A man niam tuk le chiakha tuk in an ruah tertu cu, nangmah na lungput le na ruahnak kha an si. Cucaah nangmah cu Pathian fa nu fa pa tiah, kawh auh mi na si kha i philh hrim hrim hla. Pathian nih an dawt tuk.... By Living Water
25.01.2022 Minung nih Dawtnak kan ngei dih Pathian nih a hram thawk tein akan ser ah hin, minung hi dawtnak he akan ser chih cang. Cucaah, mi vialte ahohmanh dawtnak a ngei lo mi kan um lo. Kan dih lakin dawtnak kan ngei dih, Nain cu dawtnak kan ngei mi cu kan hman le hman lo lawng asi ko. Asinain, cu dawtnak cu minung tam deuh sinah na hman ahcun, mi tam deuh nih dawtnak a ngei, mi tha a si tiah thangthat mi na si ko lai. Misual tuk le mi tha lo tuk in na hmuh mi hna zong kha dawtnak ...an ngei tuk ko, nangmah cungah an ngei mi dawtnak kha an hmang lo caah asi ko. An va hmannak minung nih cun, nangmah nih na thangthat mi an dawtu bantuk khan, an rak thangthat ve ko lai. Abiapi tuk mi cu, na pawng i aum mi sinah khan hmang hmasa law, na ngei mi dawtnak hi a sunglawi tuk lai. Jesuh nih na pawng i a um mi kha, na dawt lawng lawng ah, kei mah aka zultu na si kha, mi vialte nih an in thei lai. A ti.
25.01.2022 Lungdonghnak fak piin na ton lio caan ah khan, na hmai ah hlawtlingnak a dir ko. By Living Water
24.01.2022 A pakhatnak ah a biapi tuk mi cu, midang zohnak ah na mit na hman hlanah, nangmah le nangmah i zohnak ah hmang hmasa. Cu nih cun, hruaitu tha le na lamthluanah an domtlai tu hrihrual tha asi lai. Mah le mah a hmu bal lo mi minung cu an i porhlawt zungzal. By Living water
24.01.2022 Thinlung Hmapel Tuarnak ka thim, fahnak ka ham lenglei si lo, chung lei hmapel A hohmanh nih, an theithiam lo mi ... Mah tah si dingah, an cohlang duh lo. Dawtnak tak le dawtnak sung ruangah Kei nih, ka cohlang ka ta si dingin Lungdongnak nih, ttautho bang aka den Dawrnak thladem ka kawl, panh ding ka hngal lo. Hohmanh nih an cohlang lo, duh awktlak zawngah an ruat lo. Ar bang a vai men mi ka si kha ka fiang ko, Cu nih cun, na sin ah aka tlik ter tawn Mitthli he thinphan thlalau in, na thlatang i dawr hi a him bik ko Zei dang ka co lo hmanh ah, Himnak lawmnak hi, ka caah a za ko khuaitizuu nih, hmapel a hloh Na dawtnak nih, ka thinlung hmapel a thianter hmazung tuar bal lo bang, lawmnak he Tuarnak philh can ka phan te lai. See more
23.01.2022 Lai kaukek tirawl le sining philh awk a tha lo mi, kan sining akan hngal ter tthan i a kan cawnpiak tu hmanthlak te te.
23.01.2022 Teinak tthanhtar thlai na duh ahcun, thlai na va duhnak lam lei kha nawlngai tein zulh law diriam takin na thlai khawh lai. Na thinhung lio ah biakhianak tuah bak hla. Palhnak fak tukah an tlak pi lai! Zumnak kan ti mi cu biafang siloin, thinlung chung muru in a hungchuak mi tu asi deuh.... By Living Water
22.01.2022 Bawipa Jesuh cu kan hawi ttha tuk asi nain zei tik hmanhah kan i tluk kho lo. A can can i na duh ning in thil akal lo lio can, i na vuivai tawn ah khan hi hi vun ruat ve tawn. Bawipa Jesuh cu Siangpahrang asi.
20.01.2022 Khuaruah thiam hi hmualphonak chungin himnak asi
18.01.2022 Thil na tuah mi vialte ah khan, na hlawtling le tling lo nain a biapi deuh mi cu, na tuah mi tu kha a si. Cu nih cun, hlaw a tling mi thil tuah khawnak a chuahpi lai. Mi nih na thil tuah mi ah a tlamtling bal lo tiah soisel zong na tong ko lai, nain na ngeichia hla, felfai deuh in thil an zoh ter tu le an ruah ter tuah hmang law, thil dik le na duh tuk mi, na herh tuk mi lei tuah khan tlik dingin na thinlung pe. ... By Living Water
17.01.2022 Ann Nem Khua caan a liam, thinlung ai dang Chan ai thleng, ruah ning ai thleng Ka tawn mi an tam, fimnak ka chap... Harnak a tam, mirnak a zawr. Lungkil kai nawl, nifatin ka nun Muihnak nih a khuh mi zan ah, aw ann ngei lo hawitha he... Ni nih a hun ceu ding, mi zing kha ka hngah hlang Nain ka thin kai dom, hmanseh harnak tawn kha ka tti lo. Harnak cu, ruachannak nih a tei Lungfahnak kha, hawitha ann nem nih a zawrter Lawmnak a tam tuk caan ah, nun ka thlau. By Living Water
16.01.2022 Fak tuk in harnak na tawn lo ahcun, fak piin na thleng kho lai lo. Na thleng lo ahcun Pathian thinlung put le muisam na keng kho lai lo. If you are not suffer in life, you will not be a change person, If you are not a change person, image of God will not be seen in you.... By Living Water.
16.01.2022 Minung hi kan thinlung nih a ttamhal mi ah a ho poah kan kal cio hna, tangka duhnak a ttamhal ahcun cu ahcun a kal, i taksa nuamnak a ttamhal ahcun taksa nuamnak ah a kal ve ko, cu bantuk thiam thiam in, Pathian duhnak kha a ttamhal ahcun, Pathian duhnak ah khan a thinlung a nunnak vialte a pek i a kawl ko. Sihmansehlaw, zei poah hi thei tlai an ngai dih, kan tuah mi poah poah caan sau a rau tikah cun thei an tlai cio te ko lai. By Living Water
15.01.2022 kan hngakchia lio ahcun nuamnak kan kawl, kan kawlnak ah fahnak tampi kan tawng nain kan zei a poi lem lo. Kan hung upa hna i nuamnak kan hrial, harnak a zor lo lungthin a ba nunnak aba lungdong caan a tam hlawtlinnak a nai. By Living Water
10.01.2022 Zuamcawh Nunnak ti mi cu zuamcawh asi. Zei thil na tuah mi poah kha ka zuamcawh mi asi, ti na fiang hlan lo cu na tuah mi vialte theitlai a um lo kho men ko. Asinain, na tuah/ kai mi vialte kha, ka zuamcawh mi asi, ti na fiang i biatak deuh in na thazaang na chuah ahcun, cu ni khan, na nunnak nih thlen/ tthancho hram a thawk, i zuamcawh a thawtnam kha na tep hrim hrim lai. Cu nih cun, nun ti mi a thlum zia, Pathian nih akan pek mi nunnak, caan a sunglawi ziah le aman tam zia ...kha an pemh ter chin lai. Mifim khuaruat kho cu tar an duh tuk lo. Zei khuaruat lem lo mi nungak le tlangval pawl tu cu, upa zawk zawk i tlangval ngei, nungak ngei in nu pi fa le khuasak an duh, nunnak ti mi hi zuamcawhnak ah an hmang duh lo. Cu caah a thawtnam pakhat hmanh an tep kho lo. Cucaah, nang le kei cu kan nunnak hi, zei bantuk thil har mi zawng Bawipa jesuh bochan in le a min i put in, zuamcawh ko usih. Teinak cu Bawipa nih akan pek hrim hrim ko lai. Zuamcawhnak in a hung tlai mi theipar cu minung nunnak a dawh tertu pangpar tthihrual le suiluchin bantuk asi. Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal. 2 TIMOTE 4:7
04.01.2022 Ka hawi, ziah ka sual tuk mi hmai ka khap lo tiin, hawi sin chuah lang na duh ti lo. Ziah zei hmanh ka si lo tiin lungfah le ngeichiat in na um, kan chim lai MI SUAL MI KAN HAWI TTHA BIK JESUH ASI. A tu ah hin Bawipa Jesuh cu na hawi ah i lak, kan sual thiannak caah a thisen a thlet, kan chambonak le kan tlamtling lonak chungin bawmtu ah amah nih akan thim, a manh pek ahau lo alak asi, cucaah cun Bawipa Jesuh cu i thim cang i lak cang, a hohmanh nih an in chut ti lai lo. Pat...hian cu naih law an naih ve lai. Jame 4:8 Thlen duhnak he, God bless you all. See more
02.01.2022 minung tampi cu mah zawnlawng aruat mi kan si. Cu nih alanghter mi cu mah zonlawng a ruat mi minung cu, bochan awk a tlak lo mi kan sinak kha a langhter. By Living Water
02.01.2022 A hodah na si le zei bantuk minung na si kha a poi hrim hrim lo, Bawipa Pathian thinlung ahcun nangmah hi a pakhatnak na si zungzal, i a biapi bik na si peng. Cucaah cun, cu tluk in an dawtu he i rem le i dawt cikcek na duh lo maw? A nawl ngai a thinlung duh ning kawl, thei i zuam peng, zei dang vialtenak in a pakhatnak ah an chia kha na fiang chin lai. Na ruahnak nih a phan lo mi thluachuah an chiapiak ko, cun thluachuah zong hmanthiamnak an chap lai. Thlen duhnak he. God bless all.
01.01.2022 Dawtnak Na nunnak ah hin dawtnak cu tiva bang luang ko hmanhsehlaw, cu ti cu zeitindah mi kha ka hrawm hna ti na thei/ thiam lo ahcun, a ho hmanh nih an ding duh lo mi ti ah a cang kho. Minung a ho hmanh nih dawtnak kan ngei kan ti cio, nain voi tampi cu, kan ngei mi dawtnak hi mi nih an hmu lo le an thei lo can a tampi. Dawtnak za ah za kan ngei bantuk in, hrawm thiam, pek thiam zawng hi za ah za a rak biapi ve. Cu ti cun, kan pek mi minung le ser mi thil vialte nih kan dawt...nak hi, a thawtnam an tep lai. Living Water
